Bo Nadal a tod@s!!!

 NATUREZA + REUTILIZACIÓN+ CREATIVIDADE= ARTE

Os nenos e nenas do 3º ciclo xunto coas súas titoras deséxanvos un Bo Nadal.

Metodoloxía de traballo

Clica na imaxe

 https://issuu.com/librincios/docs/innovacionpedagoxica

O traballo en equipo. Educando en valores

Lectura no patio

Estos días estamos aproveitando o bo tempo que vai e lendo no patio...

Pincha no link para ver o vídeo.

Pintemos a vida de cor. Educando en valores

Benvidos ao novo curso escolar, 2021-22

Abride os ollos, prestade moita atención e estade dispostos a parar as vosas vidas e observar o que vos rodea. Empezamos as clases con ganas de aprender, de pensar, de compartir bos e malos momentos, de sorrir, de soñar, de crear, de abrir a nosa mente e de pasalo moi ben todos xuntos/as.

A cooperativa Coopevincios doa 700 euros ao Banco de Alimentos de Gondomar

 Hoxe, 5 de xullo, produciuse o acto de entrega dos produtos doados ao Banco de Alimentos municipal de Gondomar por un valor de 700 euros. Algúns representantes da cooperativa Coopevincios acudiron esta mañá ao banco de alimentos para coñecer onde se xestiona este servizo e ser conscientes da importancia da labor que se realiza.

O alcalde Paco Ferreira e as concelleiras, Nuria Lameiro e Rocío Goberna, agradeceron esta doazón dos nenos/as de Coopevincios, cooperativa creada baixo o programa da Deputación de Pontevedra, Depoemprende na escola.

Link a Valmiñortv

Guía de puntos de interese cultural das seis etapas do Camiño de Santiago Portugués

 Guía de puntos de interese cultural das seis etapas do Camiño de Santiago Portugués:

Dende Tui ata Santiago: Tui – O Porriño, O Porriño – Redondela, Redondela – Pontevedra, Pontevedra – Caldas de Reis, Caldas de Reis – Padrón, Padrón – Santiago de Compostela. 

Actividade realizada polo alumnado do 3º Ciclo.

Obxectivos: acadados

• Afondar no coñecemento da contorna.
• Compilar información e elaborar unha Guía Cultural con tratamento da imaxe.
• Empregar recursos lingüísticos para producir textos e discursos en galego.
• Dixitalización dos contidos que se subiron  a un padlet.

 

Propostas de mellora: continuar a traballar deste xeito.

 

Gastos: asumidos polo 3º Ciclo.

      https://padlet.com/serraterceirociclo/jwf9wxw0o1ocks3i

Coopevincios saca o seu catálogo de produtos

 

Clica na imaxe para ver o catálogo.

Ademais deste catálogo temos un catálogo específico dos cadros dos nosos pintores e das nosas pintoras, que iremos actualizando a medida que os vaian terminando.

 Son todos uns artistas!!!!!

No seguinte enlace tedes unha folla de pedido e o noso mail por se queredes facer algún encargo.

Folla de pedidos

mail  de Coopevincios:  cooperativavincios@gmail.com

Catálogo de cadros

Incubando huevos

Certame de poesía Beatriz Da Serra

 

Ánimo rapaces, é moi doado!

A debate: Que opinas do metaverso?

Hoxe estivemos aprendendo a debater. 

Que opinades sobre os universos paralelos? Substituirá o mundo virtual ao mundo real? Que implicacións ten a creación de mundos infinitos interconectados e virtuais?

A conversa e a oratoria son habilidades fundamentais e teñen que entrar nas aulas; de xeito que, o alumnado aprenda estratexias de conversa e aprenda a opinar de xeito respectuoso e sen impoñer o seu punto de vista, prestando atención ás ideas dos demais e abrindo as súas mentes ás diferentes perspectivas.

Animámosvos a debater sobre este tema nas casas? Que opinades vós da posible creación de universos paralelos. Aquí vos deixamos o link ao artigo que abriu o noso debate, clica aquí:

Universos paralelos

Electricidade e magnetismo

    Desde o Sincrotrón Alba propuxéronnos a misión de pescudar que pasa cando achegamos un imán a un circuíto eléctrico polo  que está circulando a corrente. Descubrimos moitas cousas, unha delas é que a Terra forma un gran imán que ten o seu polo Sur magnético no Norte do planeta. O Norte da brúxula diríxese ao polo Sur magnético, xa que distinto signo se atrae. Tamén observamos como un imán desvía a agulla da brúxula e como podemos cargar negativamente un globo para que atraia papeis ou o noso pelo. As cargas que sempre están en movemento son os electróns.  

    As aulas de 5º e 6º participamos na Misión Alba, un proxecto do sincrotrón Alba. Consideramos que é fundamental potenciar o pensamento científico e dar a coñecer institucións nese eido e profesionais que traballen no mesmo; incidindo na perspectiva de igualdade de xénero.

Aprendizaxe cooperativa: CA/ AC

    O ser humano é un ser social por natureza. O traballo cooperativo é fundamental no noso día a día. O alumnado aprende a expresar os seus puntos de vista de xeito respectuoso, poténciase unha maior apertura de pensamento a través da confrontación de ideas, refórzase a aprendizaxe, estimúlase  a aprendizaxe significativa real, mellórase a autoestima e o esforzo persoal, realízanse dinámicas de coñecemento mutuo reforzando os lazos entre o noso alumnado e favorecendo unha maior e mellor convivencia. Estes son algúns dos múltiples puntos a favor de traballar de xeito cooperativo, onde todos os nenos/as son co-responsables da súa propia aprendizaxe.

    No centro lévase a cabo un itinerario desde 3 anos ata 6º de E. Primaria no relativo á aprendizaxe cooperativa, realizando dinámicas, estruturas e abrindo os cadernos de equipo; de forma que dentro de cada un dos equipos, os seus integrantes efectúan distintas funcións de xeito rotativo.

Lemas a prol dos dereitos da muller realizados en cooperativo polas clases de 5º e 6º de E.P. Bolboretas efectuadas por toda a escola. Aprendizaxe cooperativa e creatividade.

Fomento do espírito emprendedor

     Unha das competencias clave é a relacionada co espírito e a iniciativa emprendedora. No noso centro tratamos de potenciala a partir dunha experiencia real; neste caso, a creación dunha cooperativa escolar con fins sociais e educativos. Este programa pertence á Deputación de Pontevedra: Depoemprende na escola, e está apoiado pola Consellería de Educación.

    O noso alumnado decidiu crear un blogue para promocionar a súa pequena empresa: Coopevincios. 

Estimulando o pensamento científico

     Nas nosas aulas entra a ciencia e a experimentación, estimúlase a investigación e o pensamento científico,  baseando a nosa actividade na estimulación de preguntas sobre o mundo que nos rodea, sen dar nada por sentado. 

        Neste senso, consideramos fundamental participar e abrir as nosas portas a todas aquelas actividades científicas que se leven a cabo na nosa contorna, este é o caso de GALICIENCIA, a maior feira científica de Galicia.

Celebramos o Día da Paz

     O día 30 de xaneiro conmemórase o Día Escolar da Non Violencia e da Paz, escolleuse esta data porque neste día celébrase o aniversario da morte de Mahatma Gandhi.

    En 5º e 6º traballamos a partir da aprendizaxe cooperativa, entre outras moitas cousas, para coñecernos e aprender a respectarnos e a traballar xuntos. Neste día, ao igual que o resto do centro, baseámonos no libro de El hombrecito de papel de Fernando Alonso Alonso para plasmar nun papel serenidade, paz, positividade... 

"No hay camino para la paz: la paz es el camino". Mahatma Gandhi

    Aquí vos presentamos dous vídeos, un conto desde o equipo de biblioteca e os nosos homiños de papel.